भांगरभूंय | प्रतिनिधी
फोंडेंः माशेलांत दूद व्हरपी टॅंकर आनी माेटार हांचे मदीं जाल्ल्या अपघातांत दोग जाण जखमी जाल्यात. जखमी मदीं इस्पी मिनेझीस (44) आनी धूव अडमिया मिनेझीस (21) हांचो आस्पाव आसून तांकां अदीक उपचारा खातीर गोमॅकॉंत व्हेल्यात.
पुलिसांनी दिल्ले म्हायती प्रमाण जीए 06 ई 1948 क्रमांकाची मोटार फोंडें सावन माशेलांत वताली. माशेलांत विरुद्ध दिशेन येवपी जीए 07 एफ 8223 क्रमांकाचे टॅंकरीक मोटारीचो धपको बसलो. हातूंत मोटारींत आशिल्ली आवय आनी धूव जखमी जालीं. जखमींक अदीक उपचारा खातीर गोमॅकॉंत व्हेल्यात.
फोंडें पुलीस स्टेशनाचे निरिक्षक विजयकुमार चोडणकार हांच्या मार्गदर्शना खाला हवालदार सुरज गावडे हांणी अपघाताचाे पंचनामो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
