भांगरभूंय | प्रतिनिधी
भांगरभूंय । प्रतिनिधी
केंपेंः केंपें मतदारसंघांतल्या लोकांनी म्हाका काँग्रेसचो उमेदवार म्हणून वेंचून हाडला. तांचो हांव विस्वासघात करचो ना. केंपें मतदारसंघांतल्या लोकांचो हाचे पयलीं विस्वासघात केला. हांवूय त्याच मार्गार गेल्लों जाल्यार म्हज्यांत आनी पयलींच्या आमदारात कसलोच फरक उरनाशिल्लो, अशें केंपेंचो आमदार एल्टन डिकॉस्ता हांणी काँग्रेसच्या आठ आमदारांनी भाजपांत केल्ल्या प्रवेशा विशीं भाश्य करतना सांगलें. केंपेंच्या कृशी कार्यालयात मोरपिर्ला हांगा शेतकारां खातीर आयोजीत केल्ले कार्यावळींत मुखेल सोयरो म्हणून ते उलयताले.
ह्या वेळार माचयेर मोरपिर्लाची सरपंच आश्विनी गांवकार, उपसरपंच प्रकाश वेळीप, पंच वांगडी नागेश वेळीप, नितेश गांवकार, केंपेचे कृशी कार्यालयाचे अधिकारी संदेश राऊत देसाय आशिल्लो. विरोधांत रावंन आपूण लोकांची कामां करून दाखयतलो अशें डिकॉस्ता हांणी सांगलें. आमदार नाशिल्लों तेन्ना मोरपिर्लच्या विद्यार्थ्यां खातीर वायफाय सुविधा हांवें उपलब्द करून दिल्ली. आमदार म्हणून मतदारसंघात हांवें जायती कामां मार्गार हाडल्यांत. लोकांक मुळाव्यो सुविधा मेळोवन दिवपा खातीर आपूण यत्न करतलों अशें तांणी सांगलें.
आमदार डिकॉस्ता हांचे सहकार्य आमकां मेळटा. मोरपिर्ल पंचायत वाठाराची उदरगत करपा खातीर तांची आमकां गरज आसा अशें प्रकाश वेळीप हांणी सांगलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
