भांगरभूंय | प्रतिनिधी
भांगरभूंय । खबरां मेज
पणजीः सम्राट क्लबान चौगुले म्हाविद्यालयाच्या पालवान भुरग्यां खातीर आपलें 25वें वर्सुकी गिमाळें शिबीर 1 तें 14 मे मजगतीं आयोजीत केलां. बीपीएस क्लबा लागचें जुन्ता क्वॉर्टर सांस्कृतीक केंद्र तशेंच चौगुले म्हाविद्यालयांत सकाळीं 9 तें दनपारां 12 मेरेन ज्युनिअर आनी सिनियर अश्या दोन गटांत शिबिराचे वर्ग भरतले.
केजी 2 तें सातवी मेरेनच्या विद्यार्थ्यांक शिबिरांत प्रवेश घेवपाक मेळटलो. फाटल्या 24 वर्सां सावन सम्राट क्लब हे शिबीर आयोजीत करता. पेंटिंग आनी चित्रकला, व्यक्तिमत्व विकास कार्यशाळा, बॉडी लँग्वेज, नाटक, माती काम, सभेंत उलोवप, कोरियोग्राफी मेळून 30 कला प्रकाराची प्रशिक्षण ह्या शिबिरा मजगतीं भुरग्यांक दितले.
डॉ जॉर्सन फर्नांडीसस प्रवीण सबनीस, प्रा विश्वनाथ स्वार, रुविना खान, डॉ व्यंकटेश हेगडे, डॉ साचिका आल्मेदा, सिमोन फर्नांडीस, व्हिटने डिसोझा, प्राजक्ता कांबळी, आलिशा फर्नांडीस हे भुरग्यांक प्रशिक्षण दितले. प्रवेश फॉर्म कॅफे तातो, कोहिनूर ऑप्टिशियन, मेडिप्लस मेडिकल्स, आगळी हांगा वा [email protected]. हे वेबसायटीचेर मेळटले. चडावत म्हायती खातीर रोशली (9284379347), विश्वनाथ स्वार (9422442838) वा विभा (9309167740) हाचें कडेन संपर्क सादचें अशे शिबीर आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
