मडगांवां रेल्वे स्टेशनाचेर प्रवेश शुल्क घेवपी तरणाट्यान टॅक्सीकाराक बडयलो
भांगरभूंय | प्रतिनिधी
मडगांव, प्रतिनिधी : मडगांव रेल्वे स्टेशना वयल्या अस्सेस कंट्रोल पे पार्कींगचें शुल्क घेवपी तरणाट्यांनी आयतारा पुराय दिसभर खुबश्या जाणां वांगडा वाद घातलो. तशेंच आयज सकाळीं एकल्या थळाव्या टॅक्सीकाराक बडयलो. ताका मार घाल्ल्या तरणाट्याक मडगांव पुलिसांनी ताब्यात घेतला. जाल्यार रेल्वे पुलिसांनी गेट मोडिल्ल्याची कागाळ नोंद केल्या.
सोमारा सकाळीं मडगांव रेल्वे स्टेशनाचेर पावणे धा वरांचेर थळावो टॅक्सीकार शफी मुल्ला हाचो शुल्क घेवपा वयल्यान तरणाट्यां कडेन वाद जालो. चड वेळ जायनासतना पार्कींग फी कशी घेतात? हे विशीं विचारलें तेन्ना पयशे दिले बगर वचपाक मेळचें ना अशें थंयच्या पयशे घेवपी तरणाट्यांनी सांगलें. हांगा हो वाद सुरू जालो. तिगां तरणाट्यां मदल्या एकल्यान टॅक्सीकाराच्या गाॅलाक धरलो जाल्यार दुसर्यान ताका बडयलो.
टॅक्सीकारान त्या तरणाट्यांक वायट उतरां दिल्ल्यान तांणी ताका पेटलो अशें मागीर सांगलें. उपरांत तिडकल्ल्या थळाव्या टॅक्सीकारांनी थंयची गेट मोडून घाली. रेल्वे सुरक्षा जवानांनी हें झगडें मिटयलें. मारपेट केल्ल्या त्या तरणाट्यांकूय पुलीस स्टेशनांत व्हरून चवकशी केल्या. जखमी टॅक्सीकाराक उपचारा खातीर हॉस्पिटलांत व्हेला.
मडगांव पुलीस हे मारामारीचो तपास करतात. जाल्यार ठेकेदाराची गेट मोडल्या, ताची रेल्वे पुलीस तपास करतात.
मजगतीं, ठेकेदारान फी घेवपा खातीर नेमिल्ले तरणाटचे योग्य भास वापरनात तशेंच चड पयशे घेतात, असो आरोप टॅक्सीकारांनी केला. थळावे टॅक्सीकार संतोष मालभाटकार हांचे वांगडा हेरांनी पे अँड पार्कींग सुविधा आदले वरीं आसची आनी येवपा वचपाचे वाटेर आशिल्ली गेट काडची अशी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
