भांगरभूंय | प्रतिनिधी
अडेज लाखांच्या म्हालवजा सयत 9 जाणांक अटक
मडगांव: मडगांव रेल्वे उड्डाण पुला खालच्या एका दुकानांत सुरू आशिल्ल्या मिनी कसिनोचेर धाड घालून मडगांव पुलिसांनी 9 जाणांक अटक केली. भर बाजारांत हो जुगार सुरू आसलो पूण पुलिसांचें लक्ष गेलें ना. सोमारा केल्ले कारवायेंत अडेज लाखांचो माल जप्त केलो.
रेल्वे उड्डाण पुला खाला गोवा गेस्ट हावसा सकयल एका एसी दुकानांत हो कसिनो सुरू आसलो. भायल्यान कांयच कळनासलें. मडगांव पुलीस स्टेशनाचे पुलीस निरिक्षक सचिन नार्वेकार हांच्या फुडारपणा खाला ही कारवाय केली.
ह्या वेळार सात जाण खेळपाक आयिल्ले. पुलिसांनी तांकां
ताब्यात घेतले आनी दोन कसिनो ऑपरेटरांक ताब्यात घेतले. पुलिसांनी 10 काॅम्युटर आनी रोख मेळून सुमार अडेज लाखांचो म्हाल जप्त केलो. बंटी नांवाची व्यक्ती हो कसिनो चलयताली अशी म्हायती मेळ्ळ्या. मडगांव पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
