भांगरभूंय | प्रतिनिधी
भांगरभूंय । खबरां मेज
पणजीः मंगळूरूच्या विश्व कोंकणी केंद्रांत 10 आनी 11 फेब्रुवारीक विश्व कोंकणी समारोह जातलो अशें विश्व कोंकणी केंद्राचो अध्यक्ष सीए नंदगोपाल
शेणै हानीं मंगळूरू प्रेस क्लबांत एके पत्रकार परिशदेंत जाहीर केल्लें 11 फेब्रुवारीक विमला वी पै विश्व कोंकणी जीवन सिद्धी पुरस्कार, कोंकणी पुस्तक पुरस्कार आनी कविता पुरस्कार भेटयतले
बस्ती वामन शेणै विश्व कोंकणी सेवा पुरस्कारां तशेंच पी. दयानंद पै विश्व कोंकणी
रंग श्रेश्ठ पुरस्कार आनी अणकार पुरस्कार दिवप जातलें.ह्या वेळार दितले. मंगळूर विश्व विश्व विद्यालयाचो कुलपती डॉ. जयराज अमीन मुखैल सोयरो आसतले. 10 फेब्रुवारीक चार विशेश सत्रां जातलीं. कोंकणी रंगमाची आनी फुडार, कोंकणीचे उदरगतीक आर्टिफिशीयल इन्टेलिजन्साचो प्रयोग, लेखिकांची कोंकणी साहित्याक देणगी, गोंयां भायर कोंकणीची स्थिती ह्या विशयांचेर सत्रांत चर्चा जातली अशी म्हायती नंदगोपाळ शेणै हांणे दिली.
महोत्सवात गोंयच्या ‘दी स्केलेटन वुमन’ आनी कोच्ची कलाक्षेत्राच् ‘जगले वयलो हनुमंत’ ह्या नाटकांचे प्रयोग जातले. महोत्सवाच्या दुसऱ्या दिसा 11 फेब्रुवारीक कोंकणी बदल अनिवासी भारतीयांचो हुस्को, कर्नाटकांत शाळेंत कोंकणी शिक्षण आनी कोंकणी कविता गोष्टी अशें तीन सत्रां जातली. मुंबय कलाकारांची ‘आवसु ती आनंदाचो पावसु’ आनी कासरगोडु चिन्नां हांचो ‘एकलो आनेकलो’ म्हळ्ळी दोन नाटकां जातली. पत्रकार परिशदेक विश्व कोंकणी केंद्राचे विश्वस्थ डॉ. कस्तुरी
मोहन पै, रमेश नायक, बी. आर. भट्ट, बी. देवदास पै हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
