भांगरभूंय | प्रतिनिधी
खबरां संस्था
मुंबयः भारतयी पंगडाची नियाळ बसका आयतारा मुंबयत जाली. हे बसकेंत वेगवगेळ्या मुद्द्यांचेर चर्चा जाली. मात बीसीसीआयन फकत दुखापत आनी कामाच्या चेंपणाच्या वेवस्थापना खातीर आपली येवजण अधिकृतपणान उक्ती केली. यो-यो टॅस्ट सोडून बीसीसीआयन खंयच्याय खेळगड्याक दुखापती उपरांत टीम इंडियांत परत प्रवेश करपा खातीर डेक्सा टॅस्ट सक्तीची केल्या. त्या भायर तरणाट्यां खेळगड्यांक भारताचे निवडी खातीर पात्र जावपा खातीर व्हड प्रमाणांत देशांतर्गत सिझम खेळचे पडटले.
बीसीसीआयन एक निवेदन जारी करून म्हणलां कीं, भारतीय क्रिकेट नियामक मंडळान (बीसीसीआय) आयतारा मुंबयत टीम इंडियाची (वरिश्ठ दादले) नियाळ बसका घेतली. तातूंत बीबीसीआयचो अध्यक्ष रॉजर बिन्नी, सचीव जय शाह, कॅप्टन रोहीत शर्मा, मुख्य प्रशिक्षक राहुल द्रवीड., एनसीएचे मुखेली व्हीव्हीएस लक्ष्मण आनी दादल्यांच्या पंगड निवड समितीचे अध्यक्ष चेतन शर्मा हाजीर आशिल्ले. बीसीसीआयन 20 खेळगड्यांक वेंचून काडल्यात. तांकां 50 ओव्हरीच्या संवसारीक करंड सर्ती मेरेन रोटेट करतले अशें जय शाह हांणी बसके उपरांत सांगलें. आयसीसी क्रिकेट संवसारीक करंड 2023 खातीर रोडमॅप तशेंच खेळगड्यांची उपलब्दता, कामाचो ताण वेवस्थापन आनी फिटनेस निकश ह्या मुद्द्यांचेर बसकेंत चर्चा जाली.
मुखेल शिफारसी फुडले भशेन आसात- 1 नव्या खेळगड्यांक राष्ट्रीय पंगडांत निवड करपा खातीर जाय तितले देशांतर्गत सिझन खेळचे पडटले. 2- यो-यो चांचणी आनी डेक्सा आतां निवड निकशांचो वांटो आसतलो. खेळगड्यांक केंद्रीय पूला खातीर सानुकूलित रोडमॅप लागू करतले. 3- बीसीसीआयन 20 खेळगड्यांची निवड केल्या. ताका वन-डे संवसारीक करंड सर्ती मेरेन रोटेट करतले. 4- दादल्यांच्या एफटीपी आनी आयसीसी सीडब्ल्यूसी 2023ची तयारी मतींत घेवन एनसीए आयपीएल फ्रँचायझीच्या पालवान आयपीएल 2023त वांटेकार जावणी भारतीय खेळगड्यांचेर लक्ष दवोरतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
