भांगरभूंय | प्रतिनिधी
बायलांचे आशिया करंड टी-20 क्रिकेट सर्तींत भारतान आपले निमाणे गट मॅचींत थायलॅण्डाक 9 विकेटींनी हारयलो.
टॉस जिखून भारतान प्रतिस्पर्धी पंगडाक पयलीं बॅटींग करपाचें आमंत्रण दिलें आनी ताचो डाव 15.1 ओव्हरींनी फक्त 37 धांवड्यांचेर सोंपयलो. ते उपरांत 1 विकेट फक्त 6 ओव्हरींनी 40 धांवड्यो करून जैत जोडलें.
थायलॅण्डाची पयली विकेट तिसरे ओव्हरींत पडल्या उपरांत ताचो डाव इस्पिकेच्या बंगल्या भशेन कसळ्ळो. ओपनर बॅट्समन नानापट कोंचारोकईक सोडली जाल्यार थायलॅण्डाचे एकाय बॅट्समनाक दोट्टी आंकडो हुपपाक जमलो ना. भारता वतीन स्नेह राणान तीन, राजेश्वरी गायकवाड आनी दिप्ती शर्मा हांणी दरेकी दोन जाल्यार मेघना सिंग हिणें एक विकेट घेतली.
धांवड्यांचो फाटलाव करपी भारता वतीन सब्बीनेनी मेघनान 18 बॉलांनी नाबाद 20 धांवड्यांची खेळी केली. शेफालीन 8 धांवड्यांचें योगदान दिलें. पुजा वस्त्रकरान नाबाद 12 धांवड्यो केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
