भांगरभूंय | प्रतिनिधी
भांगरभूंय प्रतिनिधी
पणजीः भारतीय जनता युवा मार्चाच्या (भाजयुमो) कार्यकर्त्यांनी दिल्लीचो मुख्यमंत्री अरविंद केजरीवाल हांचो पुतळो लासून जे वायट शब्द वापरले तांचो आम आदमी पक्षाच्या गोंय फाट्यान निशेध केला. तेजिंदर बग्गा सारक्या भाजपाच्या गुंडाक वाटावपा खातीर भाजपाचे सगले फुडारी फुडें आयिल्ल्याचो आरोप पक्षा वतीन केला.
तेजिंदर बग्गा हो भाजपाचो प्रचारक आसा आनी तो द्विटर आनी हेर समाज माध्यमांतल्यान दिल्लींतल्या आप सरकाराची बदनामी करता. भाजपाची फटीचीं आस्वासना लोकां मेरेन पावोपाचें काम तो करता. ताका अटक केल्ल्यान मुख्यमंत्री डॉ प्रमोद सावंत सगळीं सरकारी कामां कुशीक दवोरून बग्गा हाच्या कुटुंबाक मेळपाक वतात, राज्यांतल्या लोकांक इतल्यो समस्या आसतना मुख्यमंत्री सगळीं काम सोडून ताका मेळपाक दिल्लीत गेल्ले ताचो आमी निशेद करतात अशें आप फुडारी वाल्मिकी नायक हांणी सांगलें.
बग्गा सारक्या गुंडाचें समर्थन करपा खातीर मुख्यमंत्र्यान खाद दिल्ली वारी केली. तांका गोंयच्या लोकांचें कांयच पडून गेल्लें ना. मुख्यमंत्र्यान शहीद जाल्ल्या जवानांच्या कुटुंबियांची केन्नाच भेट घेतली ना अशें सिद्धेश भगत हांणी सांगलें. भाजप ही भारतीय जनता पार्टी न्हय जाल्यार भारतीय जनावर पार्टी आसा. भाजयुमोच्या तरणाट्या फुडाऱ्यांनी मुख्यमंत्री केजरीवाल हांचे खातीर जी भाशा वापरली ताचो आमी निशेध करतात अशें अॅड सुरेल तिळवे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
