भाजपा खातीर उत्तर गोंंय मतदारसंंघ प्रतिश्ठेचो

भांगरभूंय | प्रतिनिधी

मताधिक्य वाडोवपा खातीर जातली खासा रणनिती

रणनितीचे फाटभुंयेर सुनील कर्जतकरांंची भेट

पणजी : केंद्रीय मंंत्री श्रीपाद नायक हे 1999 वर्सा सावन उत्तर गोंंय मतदारसंंघातल्यान सेगीत वेंचून येत आसात. उत्तर गोंंय लोकसभा मतदारसंंघ हो भाजपा खातीर प्रतिश्ठेचो मतदारसंंघ आसा. उत्तर गोंंयात केंद्रीय मंंत्री श्रीपाद नायक हांंचे मताधिक्य कशें वाडटलें, हाचो विचार पक्षान सुरू केला. भाजप विस्तारक सुनील कर्जतकर हांंची भेट ही ह्या रणनिती संंदर्भात आशिल्ली, अशी म्हायती गोपांनी दिली.

भाजपाचे विस्तारक सुनील कर्जतकर हे शेनवारा गोंयांत आयले. पक्षाचे म्हणयारे आनी सचीव दयानंंद सोपटे तशेंच हेर आमदारांं सयत तांंणी चर्चा केली. लोकसभा वेंचणूक लागीं पावल्या. पक्षान मतदारसंंघाच्या स्थितीचो नियाळ घेवपाक सुरवात केल्या. विस्तारक सुनील कर्जतकर हांंचे कडेन उत्तर गोंंयची जापसालदारकी आसा. हाका लागून तांंणी उत्तर गोंंयांक भेट दिली. आपलीं मतां वा निरिक्षणां ते राष्ट्रीय अध्यक्ष वा केंद्रीय समिती कडेन पावयतले, अशें दयानंंद सोपटे हांंणी सांंगलें. दक्षीण गोंंय मतदारसंंघा खातीर हेर पदाधिकारी येवप शक्य आसा. भाजप हो संंघटणात्मक पक्ष आसा. दर एकल्याक दिल्ली जापसालदारकी निभावची पडटा, अशें दयानंंद सोपटे हांंणी सांंगलें.

केंद्रीय मंंत्री श्रीपाद नायक हे पक्षाचे ज्येश्ठ फुडारी आसात. सर्गेस्त अटलविबहारी वाजपेयी हांंच्या सरकारांत ते मंंत्री आशिल्ले. नरेंद्र मोदी हे 2014 वर्सा प्राधानमंंत्री जाले उपरांंत आयज मेरेन ते तांंच्या मंंत्रीमंंडळांत आसात. 2019 वर्सा तांंचे मताधिक्य उणें जाल्लें. उत्तर गोंंय हो भाजपाचो बालेकिल्लो आशिल्ल्यान केंद्रीय मंंत्री श्रीपाद नायक हांंकां विक्रमी मताधिक्यान जैतिवंंत करपाची रणनिती पक्षाची आसा, अशें एका पदाधिकाऱ्यांंन सांंगलें.

लोकसभा वेंचणुके खातीर भाजपान जी विस्तारक समिती नेमल्या, त्या समितीचे सुनील कर्जतकर हे वांंगडी आसात. भाजप खातीर प्रतिश्ठेचे जे मतदारसंंघ आसात, तातूंत उत्तर गोंंय मतदारसंंघ आसा. सुनील कर्जतकर हांंचे कडेन गोंंया सयत महाराष्ट्र, गुजरात, राजस्थान आनी दमण, दीव मदल्या कांय मतदारसंघांची जापसालदारकी आसा. ह्या सगल्या राज्यांंनी ते भेट दितले आनी मतदारसंंघवार अहवाल दितले. ते अहवाल केन्ना दितले वा परतून गोंंयांक भेट केन्ना दितले, हे विशीं कोणाकूच म्हायती ना.

दक्षीण गोंंय मतदारसंघात फाटले खेपे भाजप उमेदवाराक हार खावची पडिल्ली. दक्षीण गोंयांंत ख्रिस्ती मतदारांचे प्राबल्य आसा. दक्षीण गोंंय मतदारसंंघा खातीर वेगळी रणनिती आसतली. ती रणनिती आंखपाची जापसालदारकी दुसऱ्या फुडाऱ्याचेर आसतली. उत्तर गोंंयांंत भंंडारी समाजाचें वर्चस्व आसा. केंद्रीय मंंत्री श्रीपाद नायक हे बरेच खेपे वेंचून आयिल्ल्यान तांंचे आड अँटी इनम्बसी कितले प्रमाणांत आसा? हाची पारखणी पक्षान सुरू केल्या. हाका लागून विस्तारक सुनील कर्जतकर हांंची भेट म्हत्वाची आसा. सुनील कर्जतकर हांंणी कांय आमदार तशेंच पदाधिकाऱ्यांं कडेन चर्चा केल्या. जापसालदारकी वा भेटीच्या हेता विशीं तांंणी कसलीच चर्चा करूंंक ना अशें कळटा.