भांगरभूंय | प्रतिनिधी
खबरां संस्ता
माकुणसारः सद्गुरू पद्मनाथाचार्य स्वामींच्या संत्पंथा वयल्यान जलपी शिश्य हें ह्या सांप्रदायाचें भूशण आसा. ह्या सांप्रदायांत सनातत वैदीक हिंदू धर्मांचें, अध्यात्माचे बीज आसा. आमचें भाग्य म्हणून आमी हिंदू धर्मांत जल्मांत आयल्यात अशें कुंडय तपोभूमीचे स्वामी ब्रम्हेशानंद स्वामी हांणी सांगलें. आध्यात्मिक वावरा खातीर भारत सरकाराचो पद्यश्री पुरस्कार मेळिल्ले खातीर स्वामींचो महाराष्ट्रांतल्या माकुणसार हांच्या ग्रामस्थां वतीन भव्य नागरी भोवमान केला. ताका जाप दितना स्वामी उलयताले.
भारत साधुसंतांचो देश आसा. आमच्या देशाची संस्कृती सनातन आसा. ती तिगोवन दवोरपाक जाय. सगल्यांनी देशाचो गौरव करपाक जाय. ‘वंदे मातरम्’ हो शब्द न्हय जाल्यार देसाचो गौरवशाली मंत्र आसा, अशें स्वामींनी सांगलें. माकुणसार हांगच्या श्री हरी मंदिरांत ब्रम्हेशानंद स्वामींची भोवमान कार्यावळ जाली.
माचयेर संप्रदायाचे भरती मधुसूदन स्वामी, सद्गुरू फावंडेशनाची अध्यक्ष ब्राम्हीदेवी, दत्त पद्यमाभ पिठाचे संचालक रामचंद्र नायक, अखील भारतीय पद्मनाभ शिश्य संप्रदायाचे अध्यक्ष कमलाकर पाटील आशिल्ले. माकुणसार वाठारांतल्या देवस्थानांचे आनी सामाजीक संस्थाचें पदाधिकारी कार्यावळीक हाजीर आशिल्ले. कार्यावळीचें सूत्रसंचालन रामकृष्ण पाटील हांणी केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
