भांगरभूंय | प्रतिनिधी
रोहन बोपन्ना आनी माटवे मिडलकूप हे भारत-नॅदरलॅण्डाचे जोडयेन फ्रॅंच ओपनाच्या दोट्टी गटाचे सेमी फायनलींत सुवात मेळयली. भारत-नॅदरलॅण्डाचे जोडयेन क्वॉर्टरफायनलींत लॉयड ग्लापूल आनी हॅरी हेलिओवारा हे ब्रिटीश-फिनलॅण्ड जोडयेक 4-6, 6-4 आनी 7-6 (3) अशा सेटांनी हारयली.
बोपन्ना सात वर्सांनी खंयचे ग्रॅण्ड स्लॅम सर्तीचे सेमी फायनलींत पावला. हाचे आदीं 2015त तो विम्बल्डनाचे सेमी फायनलींत पाविल्लो. त्या वेळार रोमानियाचो फ्लोरिन मर्जिया ताचो जोडिदार आशिल्लो.
दोन वरां आनी चार मिनटां मेरेन चलिल्ले मॅचींत 16वे सिडा वयले बोपन्ना-मिडलकूप हे जोडयेन अणभवाचो पुर्ण फायदो घेत सेगीत 10 गूण जिखून सेमी फायनलींत सुवात निश्चीत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.