बेताडेंच्या व्हाळाचेर उपाय काडटले : शिरोडकार
भांगरभूंय | प्रतिनिधी
फोंडे, प्रतिनिधी: किर्तीनगर – बेतोडेंचो रस्तो रूंद करतना व्हाळांत नवें पायप घालूंक नाशिल्ल्यान धोको निर्माण जाला. ह्या वाठाराची उदकास्रोत मंत्री सुभाष शिरोडकार हांणी पळोवणी केली. बेगीनूच बांदकाम अभियंत्या कडेन उलोवन हाचेर उपाय काडटले अशें आस्वासन मंत्री शिरोडकार हांणी दिलें. ह्या वेळार थळावे सरपंच मधू खांडेपारकार, मंगलदास गावडे आनी हेर ग्रामस्थ हाजीर आशिल्ले.
व्हाळाचे स्थितीची पळोवणी केल्या उपरांत मंत्री शिरोडकार हांणी सांगलें, उदक वचपा खातीर व्हाळाची गरज आसा. ना जाल्यार सगळीं घरां उदका पोंदाक वचपाची शक्यताय थळावे लोक उक्तायतात. हे विशीं बेगीनूच बांदकाम खात्याच्या वरिश्ठ अभियंत्यां कडेन उलोवन पळोवणी करतले. पावसाचो धोको निर्माण जावचो न्हय असो यत्न पुरायेन करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
