बुद्धीबळ ऑलिम्पियाड ज्योतीक गोंयांत येवकार

भांगरभूंय | प्रतिनिधी

भांगरभूंय । प्रतिनिधी
पणजीः पयले बुद्धीबळ ऑलिम्पियाड ज्योतीक आयतारा गोंयांत हुनहुनीत येवकार दिलो. गोंयची पयली बायल ग्रँडमास्टर भक्ती कुलकर्णी हिचे उपस्थितांत ग्रँडमास्टर अनुराग म्हामलान ज्योत खेळां मंत्री गोविंद गावडे हाचे सुवादीन केलें. राज्यसभा खासदार विनय तेंडुलकार, भारतीय खेळां प्राधिकरणाची गोंय संचालक सुष्मिता जोत्सी, खेळा संचाचल अजय गावडे ह्या वेळार हाजीर आशिल्ले.
पंतप्रधान नरेंद्र मोदी हांच्या फुडाकारान स्वातंत्र्याच्या अमृत महोत्सवी वर्सांत देशांतल्या 75 शारांनी ऑलिम्पियाड ज्योत व्हरतात. तातूंत गोंयचो आसपाव केली ही गोंयकारां खातीर अभिमानाची गजाल आसा अशें गोविंद गावडे हांणी सांगलें. खेलो इंडिया उपक्रमांतल्यान देशाच्या खाची-कोनश्यांतल्यान खेळगड्यांचो सोद घेवपाक मजत जातली. ऑलिम्पियाज ज्योतीक लागून गोंयांत खेळां विशीं जाग्रुती जावपाक मजत जातली अशें तांणी सांगलें.
गोवेकर भक्ती कुलकर्णी बुद्धिबळ ऑलिम्पियाडमध्ये भारत-अ संघात सहभागी आहे. तिला याप्रसंगी क्रीडा मंत्र्यांनी राज्यातील जनतेच्या वतीने शुभेच्छा दिल्या.
ग्रँडमास्टर अनुराग म्हामल आयतारा सकाळीं मुंबयच्यान बुद्धीबळ ऑलिम्पियाय ज्योत घेवन गोंयांत आयलो. उपरांत फोंडें हांगच्या क्रांती मैदानार ती हाडली. थंय पारंपरीक घोडे मोडणी आनी दिवली नाचाचे साथीन ज्योत राजीव कला मंदिरांत व्हेली. ह्या वेळार शाळा- म्हाविद्यलायंले विद्यार्थी, एनएसएस, एनसीसी कॅडेट्स व्हडा संख्येन हाजीर आशिल्ले.
गोंयांतल्या ऑलिम्पियाड ज्योत मध्य प्रदेशांत घेवन वचपाचो मान अनुराग म्हामलाक फावो जाला. दिल्लीच्यान पंतप्रधान नरेंद्र मोदी हाचे उपस्थितींत नवी दिल्लींत 19 जूनाक ज्योतीचो देशांतल्या प्रवासाक सुरवात केल्ली. आंतरराष्ट्रीय बुद्धीबळ संघटनेचो अध्यक्ष आर्कडी इ्वोरकोवीच हांणी मोदी हाचे सुवादीन ही ज्योत केल्ली उपरांत तांणी ती आंतरराष्ट्रीय बुद्धीबळ खेळगडो विश्वनाथ आनंद हाचे कडेन दिल्ली.
बुद्धीबळ ऑलिम्पियाडांत भारताचो 20 जाणाचो पंगड वांटेकार जातलो. 188 देशांतले दोन हजारां परस चड खेळगडे हे सर्तींत वांटेकार जावपाचे आसात. 28 जुलय तें 10 ऑगस्ट मजगती चेन्नय हांगा हें 44 वे फिडे बुद्धीबळ ऑलिम्पियाड जातलें.