भांगरभूंय | प्रतिनिधी
-अॉल इंडिया लिबरेशन करंड फिडे रॅपीड चेस
पणजीः ताळगांवच्या सेंट मायकल कम्युनिटी सेंटरांत क्वीन्स चेस आनी कल्चरल क्लबा वतीन आयोजीत ऑल इंडिया लिबरेशन करंड फिडे रॅपीड रेटींग उक्ते बुद्दीबळ सर्तींत चेन्नयचो आर. आर. लक्ष्मण 7.50 गुणा सयत जैतिवंत थारलो.
कर्नाटकाचो एफएम शरण राव, गुजरातचो अनाडकट कर्तव्य, गोंयचो आयएम नितीश बेलूरकार आनी महाराष्ट्राचो आयएम समेद शेटे हांणी 7.5 गुणां सयत अनुक्रमे दुसरी आनी पांचवी सुवात मेळयली.
एफएम रित्वीज परब आनी गोंयचो देवेश नायक 7 गुणां सयत सवे आनी सातवे सुवातेर आसा.
एजीएम सा कन्नड, पार्थ साळवी, ऋषिकेश परब, आयएम विक्रमादित्य कुलकर्णी आनी आर्यन रायकार हे लेगीत 7 गुणां सयत आठवे आनी 13 वे सुवातेर आशिल्ले. जैतिवंतांक वट्ट 2 लाख रुपया रोख आनी ट्रॉफी भेटयल्यो.
मुखेल सोयरे योगेश धेंपो हांणी सर्त आयोजीत केल्ले खातीर क्वीन्स क्लबाचे तशेंच क्वीन्स क्लबांतल्या सगल्या बायलां क्लबांच्या विवीध उपक्रमांची तोखणाय केली. जीसीएचे सचीव आशेष केणी हांणी क्वीन्स क्लबाच्या उपक्रमांची तोखणाय केली. क्वीन्स क्लबाचे वांगडी डॉ. रुपा बेलूरकार हांणी क्लबाच्या उपक्रमांची म्हायती दिली. डॉ. प्रज्ञा काकोडकार हांणी सुत्रसंचालन केले जाल्यार सुनेत्रा डगारे हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
