भांगरभूंय | प्रतिनिधी
मडगांव: श्री सरस्वती विद्यामंदिर बाळ्ळीमठ, बाळ्ळी आनी संस्कृत भारती – गोंय हांच्या जोड पालवान बालकेंद्राचें ( संस्कार वर्ग) उक्तावण केलें.
ह्या वेळार मुखेल सोयरे म्हणून कुंकळ्ळी युनायटेड उच्च माध्यमीक विद्यालयाची प्राध्यापिका पूजा प्रशाल फळदेसाय हाजीर आसली तशेंच पुतू नायक देसाय आनी शाळेची आचार्या विशाखा व्यंकटेश देसाय हांची माचयेर उपस्थिती आसली.
प्रा. पूजा फळदेसाय हांचे हस्तुकीं दिवली पेटोवन आनी भारतमातेचें पुजन करून कार्यावळीची सुरवात केली. शाळेची आचार्या वैजंता वाडयेकार हांणी प्रास्तावीक केलें आनी संस्कार केंद्राचें म्हत्व सगल्यांक पटोवन सांगलें.
ह्या वेळार भुरग्यां खातीर कांय बौद्धीक खेळ घेतले. ह्या वर्गाक 69 विद्यार्थी आनी 15 पालक हाजीर आसले. दर आयतारा 9 ते 10 वरांचेर नारायण योगपीठ, कुंकळ्ळी कुंकळ्ळी अर्बन सोसायटी,माडीकट्टो कुंकळ्ळी आनी सकाळीं 10 ते 11 वरांचेर श्री सरस्वती विद्यामंदिर बाळ्ळी हांगा वर्ग घेतले. पयली ते सातवेच्या विद्यार्थ्यां खातीर वर्ग उक्ते आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
