भांगरभूंय | प्रतिनिधी
बाळ्ळीच्या सरकारी हायस्कुलाच्या चलयांच्या पंगडान खेळां आनी युवा वेव्हार संचालनालयान आयोजीत केल्ले केपें तालुको पांवड्या वयले 14 वर्सां पिराये सकयले चलयांचे आंतरशालेय कबड्डी सर्तीचें वस्तादपण जोडलें.
फायनलींत ताणें पाडीच्या सरकारी हायस्कुलाक हारयलें. अर्था पाटील आनी संतोषी गांवकार ह्यो विद्यार्थ्यींनी पर्जळ्ळ्यो. ते पयलीं जाल्ले सेमी फायनलींत बाळ्ळी सरकारी हायस्कुलान मोरपिर्ला हायस्कुलाक हारोवन फायनलींतली सुवात निश्चीत केल्ली.
तशेंच 14 आनी 17 वर्सां पिरायेच्या चल्यांच्या पंगडान लेगीत बरें प्रदर्शन केलें. शारिरीक शिक्षक उल्हास देसाय आनी प्रदीप वेळीप हांचें जैतिवंत पंगडाक मार्गदर्शन लाबलें. हायस्कुलाची मुख्याध्यापिका अल्पा देसाय, शिक्षक वर्ग, पालक शिक्षक संघाचे अध्यक्ष महेंद्र गोसावी हांणी परबीं भेटयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
