भांगरभूंय | प्रतिनिधी
भांगरभूंय । प्रतिनिधी
वास्कोः हेडलँड सडा हांगच्या युवक संघ ट्रस्टान बायलां खातीर आयोजीत केल्ल्या चतुरंगी हे सांघीक सर्तीच्या खेळांत तीना पटेकाराच्या झारखंड ह्या पंगडान पयलें इनाम मेळयलें. मुरगांव भौशीक नवरात सांस्कृतीक मंडळाच्या नवराती 2023 ातूंत युवक संघ ट्रस्टान लग्न जाल्ल्यो बायलो आऩी आयकार चलयां खातीर वेगवेगळ्यो खेळ सर्ती आयोजीत केल्ल्यो. 17 पंगडांतल्यान 68 बायलांनी तातूंत वांटो घेतिल्लो.
सर्तींतले दुसरें इनाम रुणिता गावडे (छत्तीसगड), तिसरें इनाम श्रेया मोर्जेकार (पंजाब) पंगडान मेळयलें. सीमा वेंगुर्लेकाराच्या मध्यप्रदेश आनी मनस्वी मयेकाराच्या सिक्कीम पंगडांक उमेद वाडोवपी इनामां दिली.
नगरसेविाक श्रद्धा आमोणकार इनाम भेटवण कार्यावळीक मुखेल सोयरी म्हणून हाजीर आशिल्ली. माचयेर नवराती उत्सम समितीची अध्यक्ष अॅड कुणाली पार्सेकार आनी ट्रस्टाचो अध्यक्ष रमाकांत कुडपकार आशिल्लो. भाग्यश्री रत्नाकर नायकान सूत्रसंचालन केलें. कविता आर्लेकार, संदेश सातार्डेकार, सूरज घोणसेकार, गिरीश कोळमकार, स्मितेश नेरूरकार, प्रवीण बांदेकार हांणी पालोव दिलो. गिरीश कोळमकरान निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.