भांगरभूंय | प्रतिनिधी
भांगरभूंय । प्रतिनिधी
म्हापशेंः सडयें-शिवोले हांका मांजराक काडपा खातीर 25 फूट खोल बांयेत देंवल्ल्या कवीश साबरी (24, मूळ छत्तीसगड) हाका म्हापशेंच्या उजो पालोवपी दलाच्या जवानांनी वाटायलो. बुधवारा दनपारां 12.30च्या सुमाराक ही घडणूक जाली. साबरी आपल्या कुटुंबा सयत सडयें हांका एका भाड्याचें कुडींत रावता. तांगेलें मांजर बांयेत पडलें. ताका काडपा खातीर तो दोरी बांदून बांयेंत देंवल्लो.
मांजरका भायर काडून जातकूच तो वयर येतना दोरी तुडली आनी तो भितर पडलो. ताका पेंववाक येना. बांयेतल्या फातराक धरून तो रावलो. उजो पालोलपी दलाक कळयतकूच ते घडणुकेचे सुवातेर आयलें. उपअधिकारी ज्ञानेश्वर सावंत हांच्या मार्गदर्सना खाला जयेश कांदोळकार, प्रवीण गांवकार आनी विष्णू नायक ह्या जवानांनी निसण आनी बेल्टाच्या मजतीन कवीश हांका भायक काडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
