भांगरभूंय | प्रतिनिधी
खबरां संस्था
ढाकाः बांगलादेशाचो विकेटकीपर मुशफिकूर रहीमान टी-20 क्रिकेटींतल्यान निवृत्ती जाहीर केल्या. वन-डे आनी टॅस्ट क्रिकेटीचेर लक्ष दिवपा खातीर आपणे हो निर्णय घेतला अशें तांणे सांगलां.
टी-20तल्यान निवृत्त जालों तरी फ्रेचायजी क्रिकेट खेळपाची संद मेळ्ळ्यार आपूण ताचो विचार करतलों अशें 35 वर्सा पिरायेच्या मुशफिकूरान स्पश्ट केलां. ट्विटरा वयल्यान आपले निवृत्तीची ताणे घोशणा केली. अंदूचे आशिय़ा कप सर्तींत बांगलादेशाक एकूय मॅच जिखपाक मेळ्ळी ना. सुरवेचे फेरयेंत तांचें आव्हान सोपलें. पंगड ढाका पावले उपरांत मुशफिकूरान टी-20तल्या निवृत्ती जाहीर केली.
मुशफिकूर बांगलादेशा खातीर 102 आंतरराष्ट्रीय टी-20 मॅची खेळ्ळा. ताणे 115.03चे धांवड्याचे गतीन 1500 धांवड्यो केल्यात. शाकिब अल हसन आनी महमदुल्ला हांचे सयत मुशफिकूराक बांगलादेशाचे मदले फळयेंतलो मुखेल आदार मानतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
