प्रमोद सावंत हांचे पुराय कारकिर्दीत मंत्रिपद गेल्ले काब्राल सव्वे आमदार

भांगरभूंय | प्रतिनिधी

पणजी, प्रतिनिधी : भौशिक बांधकाम खात्याच्या नोकर भरती प्रक्रियेत भ्रष्टाचाराच्या आरोपांक लागून पक्षाच्या आदेशा उपरांत नीलेश काब्राल हांका मंत्रिपदाचो राजिनामो दिवचो पडलो. प्रमोद सावंत हांचे पुराय कारकिर्दीत मंत्रिपद सोडचे पडिल्ले काब्राल हे सव्वे आमदार. तरी विधानसभा वेचणुके उपरांत मंत्रिपद सोडपी ते पयले आमदार आसात.
मनोहर पर्रिकर हांच्या मरणा उपरांत मार्च 2019 वर्सा प्रमोद सावंत हे मुख्यमंत्री जाले. उपरांत कांय दिसांनी तांणी गोवा फॉरवर्ड पक्षाच्या 3 मंत्र्यांच्या हातांत नाल्ल दिलो. विजय सरदेसाय, जयेश साळगांवकार आनी विनोद पालयेकार हांचेल मंत्रिपद गेलें. हेच वेळार तेन्नाचे अपक्ष आमदार रोहन खंवटे हांकांय मंत्री मंडळातल्यान काडले. उपरांत विधानसभा पोट वेचणुके वेळार शिरोडा मतदारसंघात मगो चे दीपक ढवळीकर हांणी उमेदवारी जाहिर केल्ल्यान सूदिन ढवळीकार हांचे मंत्रिपद काडून घेतलें.
2022 वर्सा विधानसभा वेचणुके उपरांत प्रमोद सावंत परतून मुख्यमंत्री जाले. रोहन खंवटे, सुदिन ढवळीकार हे परतून मंत्री जाले. आतां निलेश काब्राल हांकां मंत्रिपद सोडचें पडलां. विधानसभा वेचणुके उपरांत मात मंत्रिपद गेल्ले ते पयले आमदार आसात. आता परत मंत्र्यांच्या खात्यांत बदल निश्चीत आसा.