भांगरभूंय | प्रतिनिधी
विद्यार्थी परिशदेची मागणी; म्हाविद्यालय प्रशासनाक निवेदन
भांगरभूंय । खबरां मेज
पणजीः कोरोना म्हामारीच्याकाळांत परिक्ष ऑनलायन जाल्ल्यान विद्यापिठान पुनर्मुल्यांकन प्रक्रिया बंद केल्ली. मात आतां परिक्षा प्रक्रिया पुराय तरेन ऑफलायन जाल्ल्यान उत्तर पत्रिकांची फेरतपासणी परतून सुरू करप म्हत्वाचें जालां. विद्यापिठाच्या ह्या निर्णयाक लागून विद्यार्थ्यांक आतां हे परिक्षेंत आयिल्ल्या निकाला उपरांत त्रास जातात, अशें विद्यार्थी परिशदेन म्हणलां. संत सोहिरोबानाथ आंबिये म्हाविद्यालय पेडणेंच्या विद्यार्थ्यां सयत अभाविप पेडणें फाट्यान निकाला उपरांत विद्यार्थ्यांक सतावपी समस्यांचें निवेदन तांणी म्हाविद्यालय प्रशासनाक सादर केलें.
अभाविप कोंकण प्रदेश सहमंत्री अवधूत कोटकार हांणी सांगलें, आमी गोंय विद्यापिठाचें दार मारतले आनी गोंय विद्यापिठान गोंयांतल्या विद्यार्थ्यांक न्हयकारिल्लो पुनर्मुल्यांकनाचो हक्क तांकां परतून मेळोवन दितले. ह्या वेळार अभाविप उत्तर गोंय विद्यार्थिनी मुखेली अवनी शिंदे, म्हाविद्यालयाचे विद्यार्थी संयोग नायक, तुषारर वराडकार आनी हेर वांगडी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
