भांगरभूंय | प्रतिनिधी
म्हापशें, प्रतिनिधी ः पर्वरे पेंटाच्या गुदांवाक मध्यान रातीं 1.40 वरांचेर उजो लागलो. हांतूत सुमार 50 हजारांचें लुकसाण जाले. कल्पतरू अपार्टमेंटांतलें हें दुकान नारायण मांद्रेकार हांचें. रंग भरसण करपाचीं मशीनां, रितें जाल्ले रंगाचे डबे आनी हेर वस्तू दुकानांत दवरिल्लो. त्यो उज्यांत लासल्यो.
हे घडणुकेची म्हायती दिले उपरांत पर्वरी उजो पालोवपी दळाचो जवान दामोदर पेडणेकार हांच्या फुडारपणा खाला हवालदार संदीप नायक आनी तांच्या वांगड्यानी थंय वचूंन उजो पालयलो. म्हापश्यां कार्यालयांतल्या जवानांनी उजो पालोवपाक मजत केली. पर्वरी पुलिसांनी घडणुकेचो पंचनामा केलो. मजगतीं, उज्या फाटलें कारण अजून स्पश्ट जावंक ना. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
