भांगरभूंय | प्रतिनिधी
भांगरभूंय । प्रतिनिधी
पर्वरीः पर्वरेच्या संजय सेंटर फॉर स्पेशल एज्युकेशनाच्या पर्वरी, वास्को आनी कुडचडेच्या स्कुलांचो सेगीन 9व्या वर्सा धावेच्या परिक्षेचो निकाल 100 टक्के लागला. गोंय शालांत मंडळाच्या हे परिक्षेक बशिल्ले सेंटराचे सगळे 49 विद्यार्थी पास जाल्यात.
पर्वरीच्या स्कुलांत 30 विद्यार्थी परिक्षेक बशिल्ले. तनिक्षा जी रामस्वामी 90 टक्के जाल्यार निकेश थापा 85.33 टक्के घेवून पास जालो. बोगदा- वास्कोच्या स्कुलांतल्यान 6 विद्यार्थी परिक्षेक बशिल्ले. शामास बी परिशवादी, आकाश हरिजन आनी अर्जुन पाटील दरेकी 81.5 टक्के, 81 आनी 76 टक्के गुण घेवन पास जाले. कुडचडेच्या स्कुलांतल्यान 13 विद्यार्थी परिक्षेक बशिल्ले. मुत्तादीर शेख (96.83), अनाय झा रॉड्रिग्ज (93.33) आनी अब्दुलगनी शेख (93.33) हे विद्यार्थी विशेश श्रेणींत पास जाले.
संजय स्कुलाच्या ह्या विद्यार्थ्यांच्या येसा खातीर पर्सन विथ डिजाबिलिटीचो आयुक्त गुरुप्रसाद पावसाक, वांगडी सचीव नितल आमोणकार हांणी संजय स्कुलाचो मुख्याध्यापक तातू कुडाळकार, शिक्षक आनी विद्यार्थ्यांक परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
