भांगरभूंय | प्रतिनिधी
भांगरभूंय । प्रतिनिधी
म्हापशेंः पर्रा सिटिझन फॉरम असोसिएशना 22 डिसेंबराक पर्रा हांगा अखील गोंय करोल गायनआनी फेस्टिवल ऑफ स्टार सर्त आयोजीत केल्या. कळंगुटे आनी शिवोली मतदारसंघ आनी अखील गोंय अश्या दोन गटांत ही सर्त घेतले. फेस्टिवल स्टार सर्त सकाळी 10 वराचेर आनी करोल सर्त सांजे 6 वरांचेर सुरू जातली.
फाटल्या आठ वर्सां सावन असोसिएशन ही सर्त आयोजीत करता. गोंयची परंपरा तिगोवन दवरप व्हो ताचे फाटलो हेत आसा अशे असोसिएशनाचो अध्यक्ष प्रदीप मोरजकार सांगलें. सर्ती खातीर 25 हजार रुपयाचें पयलें इनाम आसा. उमेद वाडोवपी इनामां 5 हजारांची आसतलीं. स्टार सर्तींत सगल्यांनी वांटो घेवचो अशें आवाहन मायकल लोबो हाणे केलां. सगलीं हायस्कुलां आनी उच्च माध्यमीक विद्यालयांक सर्तींत वाटो घेवपा खातीरची पत्रां धाडल्ल्यान अदूं सर्तकांचो आंकडो वाडटलो अशी आस्त ताणे एके पत्रकार परिशदेंत उक्तायली.
पर्राचो सरपंच चिदानंद (चांदू) हरमलकार, शिवोलेची आमदार डिलायला लोबो, उपसरपंच डेनिलय लोबो हांणी लोकांक सर्तींत वांटो घेवपाचें आवाहन केला. स्टार सर्तीी खातीर प्रवेशिका सर्तीच्या दिसा सकाळी 10 तें सांजे 5.30 मजगतीं स्विकारतले. स्टार पारंपरीक स्वरुपाचें आसपाक जाय. प्लास्टिक आनी थर्माकोलाचो उपेग करपाक जायना. करोल गायन सर्तींत पयली येतल्याक पयलीं ह्या तत्वाचेर फकत 15 जाणांक प्रवेश दितले. 16 डिसेंबरच्यान करोल सर्ती खातीर प्रवेशिका स्विकारतले अशें आयोजकांनी कळीत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
