भांगरभूंय | प्रतिनिधी
म्हापशें: नव्या वर्साक येवकार दिवचे खातीर मध्यानरातीर पर्राच्या ओपन एर हॉलाचे पार्किंगेंत लायिल्ल्या फोगाक लागून एके मोटारीक उजो लायलो. पिळर्ण उजो पालोवपी दळाच्या जवानांनी हो उजो नियंत्रणांत हाडलो.
ही दुर्घटणा मध्यानरातीर 12 वरांच्या सुमाराक घडली. पर्राच्या एमराल्ड लॉन ह्या ओपन एर हॉलांत पार्टी चलताली. ह्या वेळार हॉलाचे पार्किंगेंत खूबश्यो गाडयो पार्क केल्ल्यो. नव्या वर्साक येवकार दिवचे खातीर रातच्या जुस्त 12 वरांच्या सुमाराक तरातरांचो फोग लायलो. ह्या फोगाक लागून एमएच एनपी 3684 ह्या मारुती ब्रिझर मोटारीक उजो लागलो. घडणुकेची म्हायती मेळटाच उजो पालोवपी दळाच्या जवानांनी ताकतिकेन घडणुकेचे सुवातेचेर येवन उजो पालोवपाचो यत्न केलो. पूण ते मेरेन पुराय मोटारीचो लासून गोबर जाल्लो. उजो पालोवपी दळाचे हवालदार नरेंद्र शेट्ये, विदेश म्हापशेंकार, प्रितेश महालदार, जितेंद्र बली, निखील सावळ हांणी उजो पालयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
