भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुक्यांतल्या अंजुणे धरण वाठारांत 40 पर्यटक कुटिरां उबारतले. पर्यटनाचे नदरेन ह्या वाठाराची उदरगत करपा खातीर येवजण तयार केल्ले खातीर पर्येची आमदार दिव्या राणे हिणे पर्यटन मंत्री रोहन खवंटे हांचे उपकार मानल्यात. हे येवजणेक लागून सत्तरींतल्या पर्यटनाक वाव मेळटलो तशेंच थळाव्या लोकांक रोजगाराची संद मेळटली अशी आस्ता राणे हिणे उक्तायल्या.
सत्तरींतल्या सैमीक साधन संपतीचो पर्यटनाचे नदरेन विचार करपा विंशीचो प्रश्न दिव्या राणे हिणे विधानसभेंत मांडल्लो. ताका जाप दितना रोहन खवंटे हांणी अंजुणे धरण प्रकल्प वाठारांत पर्यटन खात्याचो कुटिरां उबारपाचो विचार आसा अशें सांगल्लें.
ह्या पर्यटक प्रकल्पाक लागू केरी गांवांत उदरगतीची संद मेळटली. रोजगार तयार जातलो तशेंच हॉटेल वेवसायाक चालना मेळटली. पर्यटकांक घरांनी तयार केल्ले जेवण तयार करून दिल्यार ह्या वाठारांतल्या खाणाक मागणी मेळून ताचो लाब थळाव्या लोकांक घेवपाक मेळटलो अशें दिव्या राणे हिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
