भांगरभूंय | प्रतिनिधी
वास्को, प्रतिनिधी: एक नेण्टे चलयेचें अपहरण करून गोंयां भायर पळून वचपाचे तयारेंत आशिल्ल्या मुहंमद झुन्नू (२०) ह्या तरणाट्याक वास्को पुलिसांनी पालकांचे कागाळी उपरांत दोन वरांनी धरलो. तो चलये वांगडा मडगांवां रेल्वे स्टेशनाचेर सांपडलो.
झुन्नू हो मुळचो बिहारचो. तो कामा निमतान नवें वाडेंच्या नुरानी मशिदी लागसार रावता. तांणी एके नेण्टे चलयेचें अपहरण केल्या प्रकरणांत ते चलयेच्या पालकांनी वास्को पुलीस स्टेशनाचेर कागाळ केल्ली. ही चली सकाळीं धा मजगतीं घरा भायर सरिल्ली. उपरांत ती सांजवेळ जाली तरीय घरा परतूंक नाशिल्ल्यान तिच्या पालकांनी रातच्या सुमार साडेणवांक पुलिशेंत कागळ केली. हे विशीं वास्को पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
