भांगरभूंय | प्रतिनिधी
टोकियो ऑलिम्पिकांत भांगरा पदक आनी संवसारीक अॅथलेटिक्स वस्तादपण सर्तींत रुप्यां पदक जिखपी भालोफेक खेळगडो नीरज चोपडाक बर्मिंघम राष्ट्रकूल खेळां सर्त चुकतली.
28 जुलय पसून सुरू जावपी राष्ट्रकूल खेळां सर्तींत भांगरा पदकाचो नीरज मुख्य दावेदार आशिल्लो. पूण, संवसारीक अॅथलेटिक्स वस्तादपण सर्तीचे फायनलींत ताका दुखापत जाली. ही दुखापत गंभीर स्वरुपाची आसपाची शक्यताय आसा. ताका लागून तो राष्ट्रकूल खेळां सर्तींत वांटो घेवचो ना अशें भारतीय ऑलिम्पीक असोसिएशनाचे सचीव राजीव मेहतान सांगलें.
संवसारीक अॅथलेटिक्स वस्तादपण सर्तींत चवथ्या यत्नांत नीरज चोपडाचे जांगेचे स्नायू दुखाविल्ले. पूण, सर्त पुर्ण करपाक मेळची म्हणून जांगेक बॅण्डेज बांदून भालोफेक केल्लो. अशे परिस्थितींत नीरजान 88.13 मिटर भालोफेक करून रुप्या पदक जिखिल्लें. पदक जिखल्या उपरांत ताणें आपले दुखापती विशीं सांगिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
