भांगरभूंय | प्रतिनिधी
मडगांवः काँग्रेस पक्षांतल्यान फुटून भाजपांत प्रवेश केल्ले नुवेंचे आमदार आलेक्स सिक्वेरा हांच्या घरा मुखार काँग्रेस कार्यकर्त्यांनी बुधवारा निदर्शनां केल्लीं. ते बिरेस्तारा मडगांवचे आमदार दिगंबर कामत हांच्या घरा मुखार निदर्शनां करपाचे आसात, अशी म्हायती मेळिल्ल्यान कामत हांच्या घरा मुखार खर पुलीस बंदोबस्त दवरिल्लो, पूण थंय कोणूच येवंक ना. कांय वेळान आमदार कामत घरांतल्यान भायर सरले. साश्टीचे मामलेदार लक्ष्मीकांत देसाय हांणी घडणूक थळाचेर वचून पळोवणी केली आनी नियाळ घेतलो.
काँग्रेस पक्षांतल्यान भाजपांत कित्याक प्रवेश केलो, असो जाब विचारपाक बुधवारा काँग्रेस कार्यकर्ते गेल्ले. तांकां पुलिसांनी आडयिल्ल्यान आंदोलकांनी आमदार सिक्वेराचो बावलो करून तांच्या घरा मुखार लाशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
