भांगरभूंय | प्रतिनिधी
काणकोण : लोकसभा वेंचणुकेचो निकाल लागतकच गोंयच्या मंत्रीमंडळांत बदल जातलो. काणकोणचे आमदार रमेश तवडकार हांकां मंत्रीपद मेळपाचे आसा, अशी म्हायती गोपां कडल्यान मेळ्ळ्या. तवडकार हांकां विचारल्यार ‘पक्षान दिल्यार घेतां’ अशी जाप दिल्या. गोपां कडल्यान मेळिल्ले म्हायती प्रमाण दोगांक मंत्रीपद दितले. तेन्ना ते दोन कोण काय म्हूण चर्चा सुरू जाल्या.
कला अकादमीचे गळटी प्रकरणांत संबंदीत मंत्र्याक देंवयता काय कितें? अशीय चर्चा चल्ल्या. तशेंच दुसरो मंत्री कोण आसतलो काय, हाचेरूय राजकी मळार चर्चा सुरू जाल्या. मंत्रीमंडळांत फेरबदल जालो जाल्यार आनी तवडकार हांकां मंत्रीपद दिल्यार ज्येश्ठ आमदाराक सभापतीपद मेळटले अशेंय गोपांनी सांगलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
