भांगरभूंय | प्रतिनिधी
खबरां संस्था
मनिलाः 1980 च्या दशकांत आशियातलें सगल्यांत फास्ट रनर अशी नामना मेळोवपी लिडिया डी बेगा हाका पिरायेच्या 57व्या वर्सा कॅन्सरान मरण आयलें. 1980च्या दशकांत धांवपाचे सर्तींत लिडियाची मक्तेदारी आसताली. ताणे आपले कारकिर्दींत 15 भांगरा पदकां मेळयल्लीं. लिडियान 1987 वर्सा 100 मीटर सर्त जिखतना 11.28 सेकंद ह्या वेळाची नोंद केल्ली. 1982ची दिल्ली आनी 1986 च्या सेऊल अश्या दोन आशियाई खेळां सर्तींत तिणे 100 मीटर सर्तींत भांगरा पदका मेळयल्ली.
भारतीची दिग्गज रनर पी टी उषा आनी लिडिया मदीं पदकां खातीर सदांच चुरश आसताली. 80च्या दशकांत उषा पुराय भऱांत आशिल्लें. ह्या वेळार 200, 400 मीटर धांवपाची आनी 400 मीटर आडमेळ्यांचे सर्तींत उषाची बोरोबोरी करप कोणाक शक्य जायनाशिल्लें. मात 100 मीटर सर्तींत लिडियान सदांच उषाक फाटीं उडयल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
