भांगरभूंय | प्रतिनिधी
भांगरभूंय प्रतिनिधी
आगशी- धाकलें नेवरा हांगच्या श्री सातेरी साखळ्ो, हनुमान देवस्थानाचो 25वो वर्धापन दीस 6 तें 10 मे मजगती व्हडा उमेदीन आनी तरेकवार कार्यावळींनी मनयलो.
6 मेक देवळांत सत्यनारायण पूजा जाली. दनपारां म्हाप्रसाद आनी राती भजनाची कार्यावळ जाली. 7 मेक सकाळी धर्मीक विधी, म्हाप्रसाद. नेवरा वाठारांत देवीची पालखी मिरवणूक काडली. येजमानांनी देवीची पूजा केली. राती आरत्यो आनी तीर्थ प्रसाद जालो.
आयतार 8 मेक सकाळीं धर्मीक विधी, सांजे भजन आनी राती ना मणप ना ‘ हे कोंकणी नाटक जालें. 9 मेक सकाळीं धर्मीक विधी, सांजे भजन आनी राती ‘आकू आमचे डाकु’ ह्या विनोदी नाटकाचो प्रयोग जालो. मंगळार 10 मेक सुवाळ्याचो धर्मीक विधी आनी ल्हान भुरग्यांचे नाच सर्तीत जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
