भांगरभूंय | प्रतिनिधी
पणजी, प्रतिनिधी ः फाटल्या दोन वर्सांत गोंयांतल्यान 523 बायलां आनी 21 चलयो बेपत्ता जाल्यात. हातूंतल्यान 259 बायलांचो सोद घेवपाक पुलिसांक येस मेळ्ळे. तशेंच 21 मदल्यो 9 चलयांचो पुलिसांनी सोद लायलो. पूण अजून 264 बायलां आनी 12 चलयो बेपत्ता आसात.
2017 वर्सा 237 बायलां आनी 13 चलयो, 2018 वर्सा 257 बायलां आनी 10 चलयो, 2019 वर्सा 297 बायलां आनी 19 चलयो, 2020 वर्सा 241 बायलां आनी 11 चलयो आनी 2021 वर्सा 250 बायलां आनी 11 चलयो बेपत्ता जाल्यात.
स वर्सांत अपहरणाचे 321 गुन्यांव नोंद
2017 ते 2022 ह्या काळांत राज्यांत बायलां आनी चलयांच्या अपहरणाचे 321 गुन्यांव नोंद जाल्यात. हातूंत वट्ट 86 जाणांक अटक केल्या. अपहरण जाल्ल्यांत 246 चलयो (18 वर्सां सकयल) आनी 90 पिडित बायलांचो आस्पाव जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
