भांगरभूंय | प्रतिनिधी
संवसारभर गोंदळ, सायबर हल्ल्याची शक्यताय
नवी दिल्लीः संवसारभरांत कोट्यांनी युजर्स आसपी ‘व्हॉट्सअॅप’ भारतीय प्रमाण वेळे प्रमाण मंगळारा दनपारां 12 वरांच्या सुमाराक डावन जालें. एके वटेन तंत्रीक इबाडाक लागून ‘व्हॉट्सअॅप डावन’ जाल्ल्याचे सांगतनाच दुसरे वटेन हो सायबर हल्लो आसपाची शक्यताय तज्ञ उक्तायतात. सुरवातीक कांय काळ व्हॉट्सअॅप ग्रुपार मॅसेजीस धाडपाक मेळनाशिल्ले, कांय वेळा उपरांत पर्सनल चॅट लेगीत बंद जालें. पयल्या अर्द वरांतूच हजारांनी युजर्सांनी ही समस्या आशिल्ल्या ट्विटराचेर सांगलें. निमाणे दोन वरांच्या विस्कळीत सेवे उपरांत व्हॉट्सअॅपाक लागिल्लें गिराण सुटलें आनी ते पूर्ववत जालें.
युजर्स ट्विटराचेर तिडक उक्तायतनाच ‘मेटा’ कंपनीन दिल्ले प्रतिक्रियेंत हे विशीं ताकतिकेन कार्यवाही करतात अशें सांगलें. आमकां खबर आसा, सध्या कांय युजर्सांक व्हाॅट्सअॅप वापरपांत अडचणी येतात. आमी ताचेर काम करतात, बेगिनूच सगल्यां खातीर सेवा परतून सुरळीत करपाचो आमी यत्न करतात, अशें ‘मेटा’च्या म्हणयाऱ्यांनी सांगलें.
सर्व्हरांत इबाड?
व्हॉट्सअॅपाच्या सर्व्हरांत इबाड जाल्ल्याची मुळावी म्हायती आदीं मुखार आयली. बेगिनांत लेगीत तंत्रीक इबाड दुरुस्त करपाचो यत्न करतात, अशी अधिकृत म्हायती दिली. कांय युजर्साक व्हॉट्सअॅप वापरपांत अडचणी येतात, आमी ताचेर काम करतात. बेगिनूच सगल्यां खातीर सेवा परतून सुरळीत जातली, अशी प्रतिक्रिया व्हॉट्सअॅपाच्या म्हणयाऱ्यांनी दिल्ली.
नेमके कितें घडलें?
दनपारां 12 वरां 7 मिणटांनी युजर्साई अडचणी येवपाक सुरवात जाल्ल्याची नोंद डावन डिटेक्टरान केल्या. ते उपरांत ही संख्या वाडत जावन सादारण एक वरां मेरेन अचडणी येत आशिल्ल्याच्यो हजारांनी कागाळी मुखार आयल्यो. हातूंतले भोवतेक कागाळी मॅसेज धाडपाक येनात, जाल्यार कांय कागाळींनी सर्व्हर डिस्कनेक्शन आनी मोबायल अॅप क्रॅश जावप अशा कागाळींचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
