भांगरभूंय | प्रतिनिधी
घटक राज्य दिसा निमतान गोंयकारांक परबीं
पणजी, प्रतिनिधी : संवसारातल्या पर्यटन मळाचेर सुवात मेळयल्ल्या गोंयान देशाच्या अर्थवेवस्थेक खूब मोलादीक योगदान दिलां, अशें केंद्रीय गृहमंत्री अमित शाह हांणी म्हणलां. घटक राज्य दिसा निमतान गोंयचे जनतेक परबी भेटोवपी व्टिट संदेशात तांणीं हें म्हणलां.
30 मे 1987 हे दिसा गोंयांक घटक राज्याचो दर्जो मेळ्ळो. घटक राज्याक आयज 37 वर्सां पुराय जाली. प्रधानमंत्री नरेंद्र मोदी हांच्या फुडारपणा खाला मुख्यमंत्री डॉ. प्रमोद सावंत हे गोंयची नेटान उदरगत करीत आसात, अशें शहा हांणी परबीं दिवपी संदेशांत म्हणलां.
काँग्रेसीचे राष्ट्रीय अध्यक्ष मल्लिकार्जुन खर्गे आनी काँग्रेस फुडारी राहुल गांधी हांणींय घटक राज्य दिसा निमतान गोंयकारांक परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
