भांगरभूंय | प्रतिनिधी
सैमीक भाशेचेर प्रक्रिया (Natural Language Processing- NLP) मजकूर वा आवाज डेटा समजून घेवपी आनी ताका प्रतिसाद दिवपी मशीन तयार करपाचो यत्न करता. मजकूर वा उलोवपाक प्रतिसाद दिवपी मशीन तयार करपाचो यत्न चलता. हे प्रक्रियेत साबार आयमांचो आसपाव आसा. देखीक, कोड मिक्सिंग, आकारिकी शास्त्रीय विश्लेशण करप, विभागणी करप, पीओएस टॅगिंग करप, पीओएस टॅगिंग खातीर बीआयएस लक्ष्य मशीन लिप्यंतरण करप, गूगल इनपुट साधनां, नांव दिल्लें अस्तित्व टॅगिंग मजकूर ते उलोवप आनी हेर.
कोंकणी खातीर लेगीत ब्युरो ऑफ इंडियन स्टँडर्ड्स टेग आसा. 2009 वर्सां गोंय विद्यापीठांत डॉ. ज्योती पवार, डॉ. रामदास करमली, डॉ. माधवी सरदेसाय, डॉ. चंद्रलेखा डिसोजा हांणी एनएलपी खातीर वावर सुरू केल्लो. गोंयांत कोंकणी खातीर वर्डनेट आसा, पूण ताचेर काम करपाक जाय. विद्यापती प्रकल्प, कोंकणी शब्द मित्र. वर्डनेटांत मराठी, सांस्कृत, हिंदी ह्यो भास तयार आसात, मात कोंकणीचेर अजून काम चालू आसा. कोंकणी वर्डनेट शब्दकोशाचे काम लेगीत चालू आसा. तुमी बरयल्ले लेख, ब्लॉग आनी हेर डेटा विवेचन ‘गंगा’ सारक्या पोर्टलाचेर अपलोड करपाक मेळटा, जाच्या आदारान सगळो डेटा सांठोवन दवरून फुडाराक ताचो वापर करूं येता. अशें प्रा. हनुमंत रेडकार हांणी सांगलें. शणै गोंयबाब भाशा आनी महाशाळेच्या कोंकणी अध्ययन शाखे अंतर्गत गोंय विद्यापीठांत ‘देवनागरींतलीं सॉफ्टवेअर साधना’ ह्या विशयाचेर ते उलयताले.
ह्या वेळार कोंकणी अध्ययन शाखेचे संचालक डॉ. हनुमंत चोपडेकार, शाखेचे उपअधिष्ठाते डॉ. प्रकाश पर्येंकार, प्रा. कृपाली नायक, प्रा. नरेश नायक, प्रा. ममता वेर्लेकार हाजीर आसली. डॉ. चोपडेकार हांणी येवकार दिलो. ताणींच मानेस्ताची वळख करून दिली. सुत्रसंचालन वैभव माजाळकार हांणी केलें. उपकाराचे उलोवप कृपाली नायक हांणी केलें.
विष्णू नार्वेंकार
7709868431
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
