भांगरभूंय | प्रतिनिधी
ऑनलायन पयशे ट्रान्सफर करतना जायते फावटीं पयशे चुकीच्या खात्यांत ट्रान्सफर जातात. चुकीच्या खात्यांत पयशे ट्रान्सफर जाल्या उपरांत म्हायती नाशिल्ल्यान जायत्या जाणांक पयशे परत कशे मेळोवचे तें कळना. आनी तें पयशे कशें मेळोवपाचे हाचो तांका ताण येता.
पूण अशें स्थितीत कांय टिप्स पाळून तुमकां तुमचे पयशे परत मेळूं येतात. पयशे परत मेळोवपाची प्रक्रिया सामकी सोपी आसा.
सगळ्यांत पयलीं NPCI टायप करून गूगलाचेर सोद घेवचो पडटलो, सोद परिणाम दिसले उपरांत पयल्या लिंकाचेर क्लिक करात. NPCI ची अधिकृत सायट उगडल्या उपरांत वयल्या डाव्या वटेन आशिल्ल्या तीन डॉट मेनूचेर क्लिक करचें पडटलें.
तुमी तीन डॉट मेनू चिन्नाचेर क्लिक केले उपरांत तुमच्या मुखार जायते पर्याय उगडटले, तुमकां सकयल आशिल्ल्या गेट इन टच विभागांत वचचें पडटलें. ह्या विभागांत तुमकां UPI Complaint पर्यायाचेर क्लिक करचें पडटलें.
UPI Complaint पर्यायाचेर क्लिक केल्या उपरांत तुमकां ट्रान्झॅक्शन पर्यायाचेर वचचें पडटलें, ह्या पर्यायाचेर क्लिक केल्या उपरांत तुमकां कांय म्हत्वाचे प्रस्न विचारतले. विचारिल्ले सगळे म्हत्वाचे प्रस्नांची उत्तर दिले उपरांत सबमिट करात.
यूपीआय कागाळ केल्या उपरांत कांय वरां भितर तुमचे पयशे परत मेळटले. अशे तरेन भारत सरकाराच्या ह्या अधिकृत सायटीच्या आदारान चुकीच्या खात्यांत ट्रान्सफर केल्ले पयशे परत मेळोवंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
