भांगरभूंय | प्रतिनिधी
खबरां संस्था
दुबयः आर प्रज्ञानंदाक निमणे फेरयेंत हारोवन भारताच्या 22 वर्सा पिरायेच्या अरविंद चिदंबरमान दुबय उक्ते बुद्दिबळ सर्तीचें वस्तादपण मेळयलें.
अरविंदान हे सर्तींत दोळे दिपकावपी कामगिरी केली. ताणे आठवे फेरयेंत अर्जुन इरिगेसीचेर मात करून गुण क्रमवारींत पयली सुवात मेळयल्ली. हे हारीक लागून इरिगेसीची सेगीत 29 डाव हार ना खावपाची माळ तुटली. मागीर णवे फेरयेंत अरविंदान प्रज्ञानंदाक हारोवन वस्तादपण निश्चीत केलें.
सर्तीच्या निमाणे ग्रँडमास्टर अरविंदाच्या खात्यार 7.5 गुण आशिल्ले. प्रज्ञानंदाक सात गुणांनी संयुक्तपणान दुसरे सुवातेर खोस मानची पडली. तशेंच इरिगेसीन 6.5 गुणांनी संयुस्तपणान तिसरी सुवात मेळयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
