भांगरभूंय | प्रतिनिधी
गुडी पाड्डेंच्या दामोदर उच्च माध्यमीक विद्यालयान खेळां आनी युवा वेव्हार संचालनालयान आयोजीत केल्ले चल्यांच्या दक्षीण जिल्हो आंतरविभागीय सॅपेकटॅक्रो सर्तींत वस्तादपण जोडलें.
फायनलींत ताणें रायच्या गांवकार उच्च माध्यमीक विद्यालयाक 12-21, 22-20 आनी 21-18 अशा फरकांनी हारयलें. सर्त नावेलीच्या मनोहर पर्रीकार इन्डोर स्टेडियमांत जाली.
ह्या जैतान दामोदर उच्च माध्यमीक पंगड आतां राज्य पांवड्या वयले सर्ती खातीर पात्र थारलो. जैतिवंत पंगडांत सपनेश गांवकार, मिकी डायस, अॅलोयसीस फर्नांडीस, ज्युलियस कार्व्हालो, आकाश मौर्य हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
