भांगरभूंय | प्रतिनिधी
रोझमन क्रूझ नागोवाक टायब्रेकरांत 6-5 अशा गोल फरकांनी हारोवन दवर्ली स्पोर्ट्स क्लबान सेंट जोसेफ महोत्सव आंतरगांव फुटबॉल सर्तीचे सेमी फायनलींत सुवात मेळयली. मॅच धर्मापूर मैदानाचेर जाली.
पयलो गोल रोझमन क्रूझ स्पोर्ट्स क्लबान केलो. क्रिस्टो डिमेलोन हो गोल केलो. जाल्यार मिल्टन कुलासोन दवर्ली वतीन बरोबरीचो गोल केलो. निर्धारीत वेळांत दोनूय क्लब 1-1 अशे बरोबरींत उरिल्ल्यान निकाल लावपाक टायब्रेकराचो आदार घेवचो पडलो.
टायब्रेकरांत दवर्ली वतीन मिल्टन कुलासो, अॅलेण्ट कुलासो, रिव्ह डिकोस्टा, रोमियो कुलासो आनी वॅन्सन फिग्युरेदो हांणी गोल केले, जाल्यार रोझमन क्रूझा वतीन क्रिस्टो डीमेलो, नोएल डीसिल्वा, अॅण्ड्रस जॉन आनी शॅर्वीन वाझ हांणी गोल केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
