भांगरभूंय | प्रतिनिधी
भांगरभूंय। प्रतिनिधी
केंपेंः गोकुल्डें- केपें हांगच्या दयानंद बांदोडकार विद्यालयाचो वर्सुकी खेळां मेळावो व्हडा उमेदीन जालो. ताचें उक्तावण खेळां मंत्री गोविंद गावडे हाचें हजेरेंत जालें.
उक्तावण कार्यावळीक माचयेर शाळा वेवस्थापन समिचीचो वेवस्थापक प्रकाश वेळीप, जिल्हो पंचायत वांगडी खुशाली वेळीप, सरपंच अर्जून वेळीप, पंच वांगडी स्वेता वेळीप, शाणू वेळीप, देविदास वेळीप, मोहन गांवकार, खुशी वेळीप, हरिदास वेळीप, मंगेश कुट्टीकार, भिकू वेळीप आशिल्लो. विद्यार्थ्यांनी मेहनत करून जिणेंत येशाचे तेंगशेर पावपाक जाय. अनुसूचीत जातींतल्या भुरग्यां खातीर सरकारान जायत्यो येवजण्यो चालीक लायल्यात. ताचो लाब घेवपा खातीर तांणी फुडें सरपाकजाय. दयानंद बांदोडकार विद्यालया खातीर मैदान तयार करून दिवपाचें काम खेळां खातें करतलें अशें गोविंद गावडे हांणी सांगलें.
सुरवेक सोलंज रॉड्रिग्ज हाणे सगल्यांक येवकार दिलो. मुख्याध्यापक गोविंद वेळीप हाणे विद्यालयाचो अहवाल सादर केलो. सूत्रसंचालन स्वप्नील गांवकार हाणे केलें आनी नीलेश वेळीप हाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
