भांगरभूंय | प्रतिनिधी
खबरां संस्था
बंगळुरूः तामिळनाडूंतल्या तंजावरांत एक भिरांकूळ दुर्घटणा घडल्या. एका मंदिरांत उत्सवा निमतान रथ मिरवणुके मजगतीं, रथाचो विजेचो शॉक लागून 11 भाविकांक जाग्यारूच मरण आयलें. हातूंत दोन बाळकांचो आस्पाव आसा.
रथयात्रा सुरू आसतना विजेच्या सरयांक स्पर्श जाल्ल्यान ही दुर्घटणा घडली. कांय खिणांतूच 11 भाविकांक जाग्यारूच मरण आयलें. हे दुर्घटणेंत जायते जाण गंभीर जखमी जाल्यात. तांकां उपचारा खातीर थळाव्या हॉस्पिटलांत दाखल केल्यात.
मेळिल्ले म्हायती प्रमाण मंदिरांत 94वो अप्पर गुरू पूजा उत्सवाची कार्यावळ सुरू अाशिल्ली. ह्या उत्सवा खातीर मोट्या संख्येन भाविकांनी गर्दी केल्ली. रस्त्याचेर परंपरीक रथयात्रेच्या वेळार विजेच्या सरयाक रथाचो स्पर्श जाल्ल्यान ही दुर्घटणा घडली.
प्रधानंमत्र्यान उक्तायलें दुख्ख
तामिळनाडूचे मुख्यमंत्री एम. के. स्टॅलीन हांणी हे दुर्घटणे विशीं दुख्ख उक्तायलां. मरण आयिल्ल्यांच्या घरच्यांक पांच लाख रुपयांची अर्थीक मजत जाहीर केल्या. जाल्यार प्रधानमंत्री नरेंद्र मोदी हांणी दुर्घटणेची दखल घेतल्या. तांणी प्रधानमंत्री सहाय्यता निधींतल्यान दोन लाख रुपया जाल्यार जखमींक 50 हजारांची मजत जाहीर केल्या. दुर्घटणेच्या चवकशेचे आदेश राज्य सरकारान दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
