भांगरभूंय | प्रतिनिधी
पणजी, प्रतिनिधी: राज्यांत तातयांच्या दरांत वाड जाल्या. शिंयाच्या दिसांनी तांतयां खावपाचें प्रमाण वाडटा. तांतयां खाल्ल्यान शरिराचो तापमान नियंत्रणांत उरता. मात नेमकीं शिंयाच्या दिसांनीच तांतयां म्हारग जाल्ल्यान लोक बेजार जाल्यात.
किरकोळ बाजारांत तांतयांचो दर वाडला. आदीं पांच रुपयांक एक मेळपी तांतीं आतां ७ रुपया जालां. ताका लागून एक डझन तांतयांचें मोल आतां ८५ रुपयांचेर पावलां. कांय दिसांनी हें मोल वाडपाची शक्यताय आसा. कारण नातलां, नवें वर्स येतलें. त्या दिसांनी गोंयांत पर्यटनाचें भिरें आसता. तशेंच नातलाच्या सणांत तातयांचो सगल्यांत चड वापर जाता.
फाटल्या कांय दिसां पयलीं होलसेल बाजारांत १६० रुपयांक ३० तांतयांचो ट्रे मेळटालो. पूण आतां त्याच ट्रे खातीर १८० रुपया खर्च करचे पडटात. आतां उत्पादन उणें जाल्ल्यान एक डझन तातयांचो दर कांय दिसांनी णव्वद ते शंभर रुपयांनी विकपाची शक्यताय विक्रेत्यांनी उक्तायल्या.
तांतयांचें उत्पादन देंविल्ल्यान हें दर वाडल्यात. मागणे प्रमाण तातयां उपलब्ध जायनात. फुडल्या १५ दिसांच्या काळांत तातयांचें उत्पादन वाडलें ना जाल्यार मोल मळबाक तेंकतलें, अशें एका विक्रेत्यान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
