भांगरभूंय | प्रतिनिधी
कुन्नूर, खबरां संस्था: तमिळनाडूच्या नीलगिरींतल्या कुन्नूर लागसार शेनवारा सांजवेळार शंबर फूट खोल देंगणांत पर्यटन बस पडली. ह्या अपघातांत 9 जाणांक मरण आयलें, जाल्यार 30 परस चड जाण जखमी जाले. रातच्यान पुलीस आनी थळावे लोक मजत कामाक लागल्यात. सगल्या जखमींक कुन्नूर सरकारी हॉस्पिटलांत दाखल केल्यात.
पुलिसांनी दिल्ले म्हायती प्रमाण, बशींत 60 प्रवासी आशिल्ले. बशी उटीच्यान मेट्टुपालयमाक वचपाची आशिल्ली. मुख्यमंत्री एम. के. स्टॅलिन हांणी अपघातांत मरण आयिल्ल्या कुटुंबांक दरेकी २ लाख रुपया, गंभीर जखमी जाल्ल्यांक एक लाख रुपया आनी किरकोळ जखमी जाल्ल्यांक ५० हजार रुपया मजत जाहीर केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.