भांगरभूंय | प्रतिनिधी
नवी दिल्ली, खबरां संस्था ः केंद्र सरकारान मोटार वाहन कायद्यांत दुरुस्ती केल्ल्याक येरादारीचे नेम मोडपा खातीर लोकांक व्हडलें चलन भरचें पडटा. जायते फावटीं अशें जाता, मोटार सायकल घेवन भायर सरतना तुमी घरांत ड्रायव्हिंग लायसन्स विसरतात. अशे परिस्थितींत येरादारी पुलीसांनी धरल्यार ते चलन कापतात.
तुमचे खातीर अश्या इलेक्ट्रिक स्कुटरींची म्हायती घेवन आयल्यात जी चलोवपा खातीर ड्रायव्हींग लायसन्साची गरज लागना. जर तुमकां ट्रॅफीक नेमांनी आडखळपाचें ना जाल्यार ह्यो स्कुटरी तुमकां फायद्याच्यो थारतल्यो.
ओकिनावा लायट इलेक्ट्रीक स्कुटरींत 250W मोटर आहे, जी वराक 25 किमी वेगाने धावपाक शकता. हे इलेक्ट्रीक स्कुटरी वरवीं तुमी एकाच चार्जांत 60 किमी अंतर वचपाक शकतात. Okinawa Lite इलेक्ट्रीक स्कुटर 66,993 रुपयांक मेळटा.
कोमाकीi XGT KM हे इलेक्ट्रीक स्कुटरीची एक्स-शोरूम किंमत 56,890 रुपया आसा. हे इलेक्ट्रीक स्कुटरींत 60V 28AH बॅटरी आसा, जी 65 किमीची रेंज दिता. हे स्कुटरीक चार्ज जावपा खातीर 4 ते 5 वरां लागतात आनी तिची टॉप स्पीड वराक 25 किमी आसा.
Hero Electric Optima LX Hero ही देशांतली सगळ्यांत विस्वासू इलेक्ट्रीक दोनचाकी कंपनी. ही इलेक्ट्रीक स्कुटर 51,440 रुपयांक मेळटा. तातूंत 48V-2h लीड ऍसीड बॅटरी आसा, जी 60 किमी रेंज देता. हिरो इलेक्ट्रीक स्कुटरीची टॉप स्पीड एक वराची 25 किमी आसा
नव्या मोटार वाहन कायद्या प्रमाण ज्या इलेक्ट्रीक स्कुटरींची टॉप स्पीड वराक 25 किमी आसा, अश्यो स्कुटरी चलोवपा खातीर ड्रायव्हिंग लायसन्साची गरज ना. तशेंच आरटीओतूय ह्या इलेक्ट्रीक स्कुटरींची नोंदणी करपाची गरज ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
