डिसेंबरांत गुगल कांय खातीं काडून उडयतलें

भांगरभूंय | प्रतिनिधी

फुडल्या सप्तकांत गूगल व्हडलें पावल उबारता, १ डिसेंबर सावन कंपनी निश्क्रीय गूगल खातीं काडून उडयतली अशें गूगलान जाहीर केलां. फकत खातें न्हय, जीमेल, गूगल फोटो, गूगल ड्रायव्ह आनी खात्या कडेन संबंदीत संपर्क अश्यो गजाली काडून उडयतले.

हाचें कारण म्हळ्यार कंपनी १ डिसेंबर सावन आपलें निश्क्रीय खाते धोरण अपडेट करतलें. गुगलच्या नव्या धोरणा प्रमाण फाटल्या दोन दिसां सावन खंयचेंच गुगल खातें वापरूंक ना जाल्यार वा कोणेंय गुगल खात्यांत सायन इन करूंक ना जाल्यार Gmail, Docs, Drive, Meet, Calendar आनी Google Photos हीं खातीं काडून उडयतले.

फाटलीं दोन वर्सां तुमचें Google खातें निश्क्रीय आसल्यार, तुमचें खातें सक्रीय दवरपा खातीर तुमकां कांय म्हत्वाचें काम करचें पडटलें.

ईमेल धाडप आनी वापरप, गुगल ड्रायव्ह वापरप, गुगल प्ले स्टोरांतल्यान ऍप्लिकेशनां डावनलोड करप, गुगल सोद वापरप
तिसर्‍या पक्षाच्या ऍप्लिकेशनां, आदी कडेन गुगल सायन-इन करचें, तुमचें Google Photos खातें सक्रीय दवरपाक, तुमच्या खात्यांत लॉग इन करात.

हें Google धोरण शाळेंत वा वेवसायीक खात्यांक लागू जायना. इतलेंच न्हय, खंयचेंय खातें डिलीट करचे पयलीं गूगल जायतीं अधिसुचोवण्यो धाडटात.

तुमी दोन वर्सां तुमच्या खात्यांत सायन इन करूंक ना आनी तुमचो google खातें पासवर्ड विसरला जाल्यार, तुमी कांय साद्या पांवड्याच्या आदारान पासवर्ड परत मेळोवंक शकतात.

सगळ्यांत पयलीं हीं https://accounts.google.com/ वचचें पडटलें, मागीर जिमेल आयडी घालची पडटली. जिमेल आयडी दाखयल्या उपरांत पासवर्ड विसरला हाचेर टॅप करात. तुमच्या a­ndroid डिव्हायसाचेर Google खातें सेटअप आसल्यार, Google तुमच्या फोनाचेर एक अधिसुचोवणी धाडटली, तुमकां हो पर्याय निवडचो पडटलो. हाचे उपरांत तुमकां नवो पासवर्ड तयार करपाक सांगतले.