भांगरभूंय | प्रतिनिधी
बार्देसांतल्या 11 जाणांक अटक, फूटपाथ विक्रेत्यांचेरूय कारवाय
भांगरभूंय I प्रतिनिधी
म्हापशेंः गोंयांत जावपी जी-20 परिशदेचे फाटभुंयेर पुलीस खात्यान राज्यांतल्या खांप्या गुन्यांवकारांचेर खासा नदर दवरल्या. म्हापशें पुलीस विभागीय वाठारांतल्या 11 जाणांक ताब्यांत घेवन तांकां रितसर अटक केल्या. तशेंच 7 टाऊट्स आनी 49 फूटपाथ विक्रेत्यांक अटक केल्या.
म्हापशें पुलिसांनी शैलेश गरड, परिमल पंडित, रशीद सिद्धीकी आनी स्वप्नील मसुरकार जाल्यार हणजूण पुलिसांनी ओंकार पालयेंकार, क्लुओफस फर्नांडीस, प्रवीण भातखंडे आनी प्रणेश दिवकार तशेंच पर्वरी पुलिसांनी गौरीश केरकार आनी कृष्णा सावळो नायक, साळगांव पुलिसांनी परशुराम कांबळी ह्या खांप्या गुन्यांवकारांक प्रतिबंधीत कारवाये खाला अटक केल्या.
ह्या सगल्यांक उपरांत उपजिल्होधिकाऱ्यां मुखार हजर केले. समाजांत शांतताय आनी सुवेवस्था राखपाक हो प्रतिबंधात्मक उपाय पुलिसांनी केला.
पुलीस अधिक्षक निधीन वाल्सन, उपअधिक्षक जिवबा दळवी, विश्वेश कर्पे यांच्या मार्गदर्शना खाला निरिक्षक परेश नायक, दत्तगुरू सावंत, मिलींद भुईंबर, प्रशल देसाय, सोमनाथ माजिक, अनंत गांवकार आनी सहकारी पुलिसांनी ही कारवाय केल्या.
49 फेरीवाल्यां आडूय कारवाय
पुलिसांनी खासा मोहिमे खाला फेरीवाल्यां आड लेगीत कारवाय केल्या. हणजूणेंत 15 आनी म्हापश्यां 5, कोलवाळे 5, कळंगूटे 18, पर्वरी 5 आनी साळगांवांत 1 मेळून 49 जाणांक अटक केल्या. जाल्यार कळंगूट पुलिसांनी 7 टाऊट्स दलालांक अटक केल्या. पुलिसांनी सीआरपीसी कायदो कलम 41 आनी आयपीसी कायदो 34 कलमा खाला ही कारवाय केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
