भांगरभूंय | प्रतिनिधी
भांगरभूंय । खेळां मेज
पणजीः गोंयच्या संजना मंगेश प्रभुगांवकारान सिनियर पांवड्यार 37व्या राष्ट्रीय खेळां सर्तींत काम्पाल स्वीमिंग पुलांत जाल्ल्या बायलांच्या 200 मीटर फ्रीस्टायल प्रकारांत आयतारा रप्या पदक मेळयलें. 16 वर्सां पिरायेचें संजना दुबयतल्या अॅक्वा नेशन स्पोर्ट्स अकादमीत प्रशिक्षण घेता. ताणे 2,08,89 सेकंद असो वेळ घेतलो. ह्या खेळां प्रकारांत कर्नाटकाच्या धिनिधी देसिंदून भांगराचे आनी तेलंगणाच्या व्रिस्ती अगरवालान कांस्या पदक मेळटलें.
मजगतीं ज्युनियर पांवड्यार जायती पदकां जिखपी संजना खांद्याच्या दुखापतीन बेजार आशिल्लें. फाटल्या स म्हयन्या सावन ताका नेमान सराव करपाक मेळनाशिल्लो. कांय तेप ताणे सर्तीनी लेगीत वांटो घेतलो ना. तरीय रुप्या पदक जिखपाक शकलें हाची ताका खोशी आसा. सरावाक सुरवात करून म्हाका फकत एक म्हयनो जाला. म्हज्या गोंयांत राष्ट्रीय खेळ जावंन म्हाका पयले राष्ट्रीय खेळां पदक जिखपाक मेळप हाची सारकी दुसरी खोस ना अशें ताणे सांगलें.
पिरायेच्या सात वर्सा सावन संजना जलतरण सर्तींत वांटो घेता. दुबयत सरार करपा विशीं सांगतना ताण भारतात सराव करप कुस्तार न्हय. यूएईतं वचून सराव करपाचो निर्णय कोविडाक लागून लागू केल्ल्या लॉकडावना वेळार घेतलो. थंयचे प्रशिक्षण म्हाका आवडले आनी थंयच सराव सुरु दवोरपाचो निर्णय घेतलो. संजना आनी ताची आवय सद्या दुबय रावतात. संजान फकत परिक्षा दिवपा खातीर गोंयांत येता. ट्युशनाच्या माध्यमांतल्यान ताचें शिक्षण सुरू आसा. ह्या पदकाक लागून म्हाका आनीक मेहनत करपाक प्रेरणा मेळटली अशें तांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
