भांगरभूंय | प्रतिनिधी
भांगरभूंय । प्रतिनिधी
म्हापशेंः जन उत्कर्श अर्बन पतसंस्थेच्या 10व्या फाट्याचे चोगम रोड लागींच्या टॅक्नोसिदाद इमारतींतल्या तळ माळेंत सुरू केल्ल्या फांट्याचें आयतार 24 जुलयाक उक्तावण करतले. संस्थेचो अध्यक्ष नारायण कारेकार हांणी म्हापश्यां घेतिल्ले एके पत्रकार परिशदेंत ही म्हायती दिली. ह्या वेळार दिलीप महाले, अनिल सामंत, भाई पंडित हे संचालक आनी सरवेवस्थापक सुरेश आरोलकार आनी वसुली वेवस्थापक नारायण शिंदे हाजीर आशिल्ले.
पर्वरेचो आमदार आनी पर्यटन मंत्री रोहन खवंटे हांचे हस्तुकीं आयताराक साजे 4 वरांचेर ह्या फांट्याचें उक्तावण जातले आन तेन्ना साळगांवचो आमदार केदार नायक, आनी फादर कायतान फर्नांडीस हाजीर रावतले. सकाळीं 10 वरांचेर लक्ष्मी पूजन जातले. सगल्या भागधारकांनी आनी आमंत्रण दिल्ल्यान कार्यावळीक हाजीर रावचें अशें कारेकार हांणी मागलां.
जन उत्कर्श अर्बन सहकारी सोसायटीन फाटल्या तीस वर्सांत लोकांचो विस्वास मेळोवन आपली प्रगती केल्या. पोरूंच्या अर्थीक वर्सां संस्थेक 61 लाख रुपयांचो फायदो जाला. सोसयाटींत 3 कोटी 37 लाख 41 हजार रुपयांचें भाग भांडवल शिवाय 72 कोटी 55 लाख रुपयांच्यो बचत ठेवी आनी 12 कोटी मोलाची स्वताची मालमत्ता आसा अशी म्हायती कारेकार हांणी दिली.
आतां मेरेन संस्थेन 50 कोटी रुपयांची रिणां दिल्यांत, संस्थेन अ दर्जो मेळयला. संचालकांचो एकचार, अधिकारी आनी कर्मचाऱ्यांचो प्रामाणिकपणा हांका लागून संस्था उदरगत करीत आसा अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
